من فترة كنت اشاهد أحد البرامج فى التليفزيون لست اذكربالتحديد ربما كان برنامج اوبراوشفت خير اللهم ما اجعله خيرشاب متزوج حديثا عملو معاه لقاء ،الشاب ده بكل بساطة كان خاطب بنت بيحبها وخطط لكل امور الزفاف وعملها للبنت مفاجأة، طبعا بمساعدة اختها التوأم اللى كان من حسن الحظ فيها شبه كبير من خطيبته وده ساعده على اختيار فستان الزفاف وكمان على معرفة شخصية خطيبته والاشياء اللى بتفضلها ، المفاجأة كانت انه اخد خطيبته لحضور زفاف اصدقاء ليهم فى جزيرة وفوجئة انها مراسم زواجها طبعا الاهل كانو حاضرين.فعلا كانت طريقة رومانسية وكان رد فعلها انها فرحة واستقبلة المفاجأة بصدر رحب لانه ريحها من كل التوتر اللى بتمر بيه اى بنت فى الفترة دى .القصة دى رجعتنى لايام الاساطير لما كان الفارس يخطف حبيبته على حصان بنى ويتجوزو بكل بساطةايام زمان لما كان الحب يعامل بطريقة خاصة من غير ما حد يقلل من قدره كأيامنا.طبعا كلنا نعرف ان مسألة الجوزا عندنا من اعقد الامور لما فيها من عادات وتقاليدواستغربت من فكرته الجنونية لو كان شاب لا سمح الله نفذها عندنا فى مصر كان هيبقى خبر الموسم والواد اتجنن وممكن يتهموه بأنه خطف البنت واتجوزها غصب عنهاوسرحت وقعدة اتخيل ردود الافعال وضحكة ، لان فى فرق شاسع ان اهل العريس والعروسة عندنا هما اللى بيخططو لكل شىء وبيتفقو على كل شىء وممكن لو اهل متفاهمين راح ياخدو رأى العرسان بس بعد رأيهم لان هما خبرة وميصحش الصغيرين يدخلو فى الامور الكبيرة دى، الصغيرين دول اللى المفروض هما هيأسسو اسرة وطبعا لو اخدنا بعين الاعتبارازمة الزواج هنلاقى ان أغلب اللى بيتجوز فى الوقت الحالى تخطو سن ال25 ولسه صغيرين برضه .(متفكروش كتير مفيش جواز قبل سن ال35) ال25 دى بس عشان الاحباط ده لو كان فيه من اصله. وبسال نفسى هو ليه مفيش لمسة رومانسية فى الزواج؟طبعا الاجابة موجودة لأن العريس ياعينى بيكون بيفكر فى مليون حاجة وفى راسه ميت حاجة يعملها هجيب منين طيب لسه فى حاجات كتير ناقصة وعلى شوية هيعيط ده غير الديون اللى بتتركام عليه ومطلوب منه يسددها بعد ما يدخل دنيا معندوش وقت يفكر فى الرومانسية لانه على ما بيوصل ليوم الزفاف بيكون اتهد حيله وطلع عينه وعين اهله.وبعد الزفاف يدوب يفرح يومين ويبدء يفكر منين هسدد الديون ويضطر يشتغل فترة مسائية، ولو ربنا كرمه بطفل هيشيل هموم الدنيا كلها وتفكيره يبقى مشتت بين اللى جاى والديون والمصاريف اليومية .وضاعت الرومانسية قبل وبعد ما دخل دنيا
27/12/2009
من فترة كنت اشاهد أحد البرامج فى التليفزيون لست اذكربالتحديد ربما كان برنامج اوبراوشفت خير اللهم ما اجعله خيرشاب متزوج حديثا عملو معاه لقاء ،الشاب ده بكل بساطة كان خاطب بنت بيحبها وخطط لكل امور الزفاف وعملها للبنت مفاجأة، طبعا بمساعدة اختها التوأم اللى كان من حسن الحظ فيها شبه كبير من خطيبته وده ساعده على اختيار فستان الزفاف وكمان على معرفة شخصية خطيبته والاشياء اللى بتفضلها ، المفاجأة كانت انه اخد خطيبته لحضور زفاف اصدقاء ليهم فى جزيرة وفوجئة انها مراسم زواجها طبعا الاهل كانو حاضرين.فعلا كانت طريقة رومانسية وكان رد فعلها انها فرحة واستقبلة المفاجأة بصدر رحب لانه ريحها من كل التوتر اللى بتمر بيه اى بنت فى الفترة دى .القصة دى رجعتنى لايام الاساطير لما كان الفارس يخطف حبيبته على حصان بنى ويتجوزو بكل بساطةايام زمان لما كان الحب يعامل بطريقة خاصة من غير ما حد يقلل من قدره كأيامنا.طبعا كلنا نعرف ان مسألة الجوزا عندنا من اعقد الامور لما فيها من عادات وتقاليدواستغربت من فكرته الجنونية لو كان شاب لا سمح الله نفذها عندنا فى مصر كان هيبقى خبر الموسم والواد اتجنن وممكن يتهموه بأنه خطف البنت واتجوزها غصب عنهاوسرحت وقعدة اتخيل ردود الافعال وضحكة ، لان فى فرق شاسع ان اهل العريس والعروسة عندنا هما اللى بيخططو لكل شىء وبيتفقو على كل شىء وممكن لو اهل متفاهمين راح ياخدو رأى العرسان بس بعد رأيهم لان هما خبرة وميصحش الصغيرين يدخلو فى الامور الكبيرة دى، الصغيرين دول اللى المفروض هما هيأسسو اسرة وطبعا لو اخدنا بعين الاعتبارازمة الزواج هنلاقى ان أغلب اللى بيتجوز فى الوقت الحالى تخطو سن ال25 ولسه صغيرين برضه .(متفكروش كتير مفيش جواز قبل سن ال35) ال25 دى بس عشان الاحباط ده لو كان فيه من اصله. وبسال نفسى هو ليه مفيش لمسة رومانسية فى الزواج؟طبعا الاجابة موجودة لأن العريس ياعينى بيكون بيفكر فى مليون حاجة وفى راسه ميت حاجة يعملها هجيب منين طيب لسه فى حاجات كتير ناقصة وعلى شوية هيعيط ده غير الديون اللى بتتركام عليه ومطلوب منه يسددها بعد ما يدخل دنيا معندوش وقت يفكر فى الرومانسية لانه على ما بيوصل ليوم الزفاف بيكون اتهد حيله وطلع عينه وعين اهله.وبعد الزفاف يدوب يفرح يومين ويبدء يفكر منين هسدد الديون ويضطر يشتغل فترة مسائية، ولو ربنا كرمه بطفل هيشيل هموم الدنيا كلها وتفكيره يبقى مشتت بين اللى جاى والديون والمصاريف اليومية .وضاعت الرومانسية قبل وبعد ما دخل دنيا
